Kanë mbetur vetëm 8 orë nga nisja e koncertit festiv për 100 vjetorin e vendosjes së marrëdhënieve diplomatike me SHBA dhe çeljen e negociatave me BE- në.
Koncerti është njoftuar për ditën e sotme, ora 19:00, në Sheshin Skënderbej.
Një koncert, për madhështinë e të cilit, janë përfshirë vetë kryeministri Rama dhe kryebashkiaku Veliaj, duke prezantuar çdo ditë emrat e artistëve pjesëmarrës.
Në kuadër të kësaj, dje nga mediat është mësuar se për pjesëmarrje sa më të lartë, janë përfshirë edhe drejtues të institucioneve të ndryshme duke kërkuar lista të personave, që do të jenë në koncert.
Tej këtyre, ajo që bie në sy, këtë mëngjes, në sheshin e madh të aktiviteteve, është se grupet e teknikëve e kanë ngritur skenën nën hijen e rëndë të bustit të “Heroit Kombëtar” Gjergj Kastrioti dhe po punohet me dekorin e pjesës tjetër të sheshit.
