Tre shqiptare janë vendosur në pranga në Kosovë të akuzuara për prostitucion. Raportohet se një vajzë nga Shqipëria dhe 2 nga Kosova ushtronin prostitucion në një lokal në Gjakovë.
Gjithashtu janë sekuestruar 50 euro dhe një fletore ku mbanin shënim pazarin ditor.
Njoftimi i Policisë së Kosovës:
“Rr. Tirana, Gjakovë 25.07.2022 – 20:50.Pas një pune hetimore janë arrestuar tre të dyshuara një femër shtetase e Shqipërisë dhe dy femra kosovare të cilat me vendim të prokurorit dërgohen në mbajtje. Dyshohen për veprën penale “Mundësim në prostitucion ose detyrim në prostitucion/ Ofrim i lokaleve për prostitucion dhe bashkëkryerje”.
Në cilësi të provave materiale janë konfiskuar një telefon mobil, 50 euro si dhe një fletore në të cilën kanë mbajtur shënime për pazarin ditor”, informoi policia.
