Ju e vratë, s’keni të drejtë të qani në varrin e tij !
(Opinioni i vjetër, por fenomeni mbetet, veç emrat e pushtetarëve ndërrojnë)
Unë nuk mora pjesë
në vrasjen e qytetit tim.
Ky është turpi i politikës.
Ky është krimi i politikës
Unë nuk jam pjesë as e turpit
dhe as e krimit.
Modeli Dako
si kryebashkiak i qytetit të Durrësit është pasqyrim
i realitetit të klasës politike shqiptare.
Qytetin e ka parë dhe përdorur
në interes të tij dhe bashkëpunëtorëve politik,
grupeve të interesit dhe krimit.
Mandati i tij është produkt i këtyre grupeve dhe ai ka qenë dhe është në funksion të qëllimeve të këtyre grupeve.
Qytetarët janë parë dhe trajtuar thjesht si mjete për realizimin e qëllimeve dhe shërbimeve të grupit.
Ai (dako) është përdorur, ledhatuar, trembur nga politika sa majtas dhe djathtas.
Ndaj krimit që i ka bërë qytetit prej vitesh dhe mbart firmën e Dakos si produkt i politikës dhe i krimit.
Ky është turpi i politikës sot.
Ky është krimi i politikës sot.
Un nuk jam pjesë as e turpit dhe as e krimit. Ndjehem krenar për betejën ndaj Dakos në emër të qytetit dhe të qytetarëve të mi. Sepse unë nuk heshta!!
Por e denoncova , sepse nuk u bleva dhe nuk u përdora, as si qytetar dhe as si politikan.
Si çdo qytetar ndjej keqardhje për krimin ndaj qytetit tim.
E denoncova si vjedhës votash.
E denoncova si produkt i krimit dhe i kapur prej krimit.
E denoncova si dhunues dhe grabitës i hapësirave publike dhe i pasurisë së qytetarëve.
E denoncova si shkatërrues me dashje i turizmit në Durrës.
E denocova për krimin që po i bënte qytetit duke betonizuar HISTORINË e ARTË që mbart nëntoka e qytetit tonë.
E denoncova si abuzues dhe ndërtues pa leje të 30.000 m/2 të familjes së tij, kur qytetari i thjeshtë burgosej për një tjegull të thyer që ndërronte pa u “falur” tek institucionet.
E denoncova për krimin me dashje ndaj ambjentit dhe shëndetit të qytetit dhe të qytetarëve.
E denoncova si abuzues me fondet publike.
Unë denoncova, kur shumë
të tjerë heshtën!!
E denoncova publikisht !!
E denoncova në media !!
E denoncova në Prokurori!!
Më mbështetën qytetarët, por jo institucionet dhe politika.
Pasi e vratë s’keni te drejtë të qani në varrimin e tij, pa mar hak në emër të qytetit dhe qytetarëve.
