Me kërkesë të Prokurorisë së Dibrës është arrestuar drejtori i postës së këtij qyteti Ilir Vraniçi dhe shefi i zyrës Xhevdet Doda.
Të dy personat akuzohen për shpërdorim detyre.
Prokurorja Xhoana Mehmetaj ka firmosur urdhër arrestin edhe për punonjësin e postës Gazmir Hasi i cili akuzohet për vjedhje duke shpërdoruar detyrën dhe falsifikim dokumentash.
Hasi është personi që u lakua edhe në emisionet investigative por që vërtetohet tashmë edhe zyrtarisht.
Sipas hetimeve, ai ka vjedhur pensionet e qytetarëve rreth 6 milionë lekë të reja, të cilat duhet t’jua shpërndante.
Gazmir Hasi ka mundur ti shpëtojë policisë pasi nuk është gjetur në banesë.
Drejtori i postës dhe shefi i zyrës akuzohen se nuk e kanë pikasur vjedhjen edhe pse në dokumetacionet e plotësuara nga Hasi ka parregullsi.
Sipas hetimeve ata kanë pasur dijeni për veprimet e vartësit.
Kjo veprimtari sipas hetimeve, dyshohet se kanë ndodhur në periudhën janar-maj të këtij viti.
