Presidenti i vendit Ilir Meta do të niset sot për një vizitë zyrtare në Kosovë me ftesë të honologes Vjosa Osmani, me rastin e përmbylljes së mandatit të tij.
Burime bëjnë me dije se kreu i shtetit do të kthehet në datën 23 Korrik, një ditë përpara përfundimit të mandatit.
Kjo është vizita e tij e fundit si President i Republikës së Shqipërisë.
“Në kohën e ardhjes (pasdite) më 21 korrik, për të mundësuar qarkullim të lirë të eskortës zyrtare nën përcjellje dhe sigurim sipas itinerarit të lëvizjes, Policia e Kosovës do të bëjë ndërprerje të përkohshme, në intervale të shkurta kohore të qarkullimit të trafikut në disa segmente rrugore ku pritet të kalojë eskorta. Po ashtu edhe në ditën e kthimit, më 23 korrik, sipas agjendës zyrtare do të ndërmerren veprimet e njëjta policore, të lëvizjes së eskortës, në rrugët të cilat përdoren për qarkullim të eskortës”, thuhet në njoftimin e zyrës së shtypit të presidentes Osmani.
