Princesha Charlene e Monakos, gjatë takimit me Papa Françeskun në Vatikan, ka thyer protokollin. Ish-notarja olimpike 44-vjeçare vizitoi Vatikanin me bashkëshortin e saj 64-vjeçar, Princin Albert, por fustani i zi elegant që zgjodhi për këtë rast, i tregonte shpatullat e zhveshura.
Sipas protokollit , gratë që takojnë Papën duhet të jenë të veshura me një fustan të gjatë, të zi, me mëngë të gjata, në mënyrë që çdo pjesë e trupit të tyre të jetë e mbuluar. Charlene e kompletoi look-un e saj me një shall të zi me dantella në kokë, siç e dikton protokolli, ndërsa në qafë mbante një kryq të bardhë, simbol i besimit të saj.
Kujtojmë se ajo vetë ka deklaruar në një intervistë se është bërë katolike, jo vetëm
sepse është feja zyrtare e Monakos, por sepse ka marrë forcë nga katolicizmi në kohë të vështira për të.
Charlene është me origjinë nga Afrika e Jugut dhe anëtarët e familjes së saj janë protestantë. Përkushtimi i saj ndaj katolicizmit u intensifikua kur binjakët, Jacques dhe Gabriella, lindën para kohe në dhjetor 2014.
Nëse nuk do t’i fotografonin jashtë Pallatit Apostolik mëngjesin e sotëm, në Vatikan, prania e tyre do të kishte kaluar pa u vënë re. Asnjë njoftim zyrtar apo parashikim jozyrtar i vizitës që Charlene e Monakos dhe Princi Albert i bënë Papa Françeskut pak orë më parë. Princat Monegaskë fluturuan për në Vatikan, ku takuan Papën. Një audiencë private pothuajse sekrete, për të cilën bota u bë e ditur vetëm pak minuta para se të ndodhte.
