-Pro e kundra amnistisë fiskale.
Në fillim të korrikut isha në Mynih.
Po shëtisja në qendrën e qytetit.
-Profesor Mitro? Nuk po më njeh?
Jam Kristaqi nga Tirana.
Unë:-Emigrant në Gjermani?
Ai:-Emigrant fluturues. Londër. Mynih. Barcelonë. Moskë. Milano. Athinë. Kam 15 vjet që punoj.
Unë:-Punon stuardes?
Ai:- Ha. Ha. Pimë një birrë, të të tregoj zanatin?
U ulëm. Poshtë gështenjave shekullore, ishte ngritur një birrari. Erdhëm edhe dy djem. Njeri nga Hasi. Tjetri tjetër nga Vlora
Ai:-Ne blejmë mall në Kolumbi. E shesim në Evropë. Në të zezë. Me risk?!
Dera e burgut është e hapur. Unë kam qënë dy herë brenda.
Unë:-E rëndë jeta në burg?
Ai:-Burgjet janë hotel me katër yje. Rrezik? Po. Mund të hash ndonjë thikë pas shpine nga çunat?!
Unë:-Ke dëgjuar për amnistinë fiskale të Ramës?
Ai:-Po.
Unë:-Ke blerë Dixhital?
Ai-Bën humor? Pas pune ne shkojmë në kazino ose klube nate. Atje tretim paratë.
-Para disa ditësh ishte në Angli Damjan Gjiknuri me dy deputetë.
Mblodhi çunat e Londrës. Isha edhe unë? E di çfarë na tha?
“Çunat e Londrës te vinë në Tiranë për të legalizuar paratë (paund) e fituar. Deri 2 milionë euro, do bëhen me një taksë të thjeshtë.”
Unë:-Beson se Rama do ta bëjë amnistinë?
-E shoh të vështirë. Ka dy arsye.
Së pari. Çunat mund të legalizojnë në Tiranë paratë e tyre. Por edhe paratë e çunave rusë, kinezë , arabë.
Së dyti. Partë që fitojnë çunat tanë shkojnë rreth 15-20 miliardë euro.
Kjo para sot shpenzohet në Britaninë e Madhe. Po u legalizua në Shqipëri, është humbje e madhe për financat e Londrës.
Ti je ekonomist. Ke qënë deputet. Mund të bëhet amnistia?
Unë:-Në Tiranë debati për annistinë është bërë modë. Ka pro e kundra.
Pro?
Rama.
Iso i mbajnë ministrat, deputetët. Pushtetarët.
Argumenti. Amnisti ka bërë Italia. Gjermania. Spanja.
Kundra.
Berisha.
Opozita.
Argumenti? Shqipëria do bëhen han me dy porta për të futur para të pista dhe të zeza?!
Kundra.
FMN
BANKA BOTËRORE
BE
Ambasadorët.
Ai:-Drogën e pinë evropianët. Aty nis krimi. Çunat shërbejnë. Ka bashkëpunim. Pirësit me shitësit. Pse kriminelë vetëm çunat?
Unë:-Mendoj se amnistia duhet bërë. Jo me idenë e Ramës. Jo me ligj. Jo me zhurmë. Jo me mlef. Nuk mund të dalësh kundër të gjithëve. Është si ti biesh murit me kokë.
Unë:-Çunat e Londrës dërgojnë paund në Shqëri?
Ai:-Sigurisht. Nuk shihen eurot, por vilat, hotelet, resortet, kullat që ndërtohen kudo.
Por paratë i dërgojmë
si ilegalët. Me çanta. Me torba. Me lepurin në bark. Në pritë kemi taksidarët. Doganierët, policët, pastrusit e parave.
Unë:-Në Shqipëri 30 – 40 përqind e ekonomisë punon në të zezë. Mes bankerëve thuhet se çunat dërgojnë tre-katër miliardë euro…
Në se qeveria bën “nje sy qorr e një sy shurdh”, në atdhe mund të vinë 7-8 miliardë euro.
