Është identifikuar trupi i pajetë që u gjet pak ditë më parë në Ndërnënas të Fierit.
Konfirmohet se viktima është Artur Buzhiqi, një 40-vjeçar nga Durrësi që ishte shpallur i zhdukur nga familja e tij më 9 korrik.
Buzhiqi është babai i tre fëmijëve dhe hera e fundit që u pa nga familjarët ishte pranë zonë së quajtur “Ura e Dajlanit” në qytetin bregdetar.
Lajmi për vdekjen e tij u konfirmua edhe nga e motra Rajmonda Buzhiqi, e cila e tronditur ngriti dyshimet se i vëllai mund të jetë vrarë.
Njoftimi i policisë:
“Në vijim të informacionit paraprak të dhënë në datë 13.07.2022, ku në plazhin e fshatit Ndërnënas, Fier, në breg të detit, është gjetur i pajetë, një shtetas rreth 40 vjeç, është bërë i mundur identifikimi i tij, shtetasi A. B., 40 vjeç, banues në Durrës, i cili është shpallur në kërkim në datë 10.07.2022 nga Komisariati i Policisë Durrës për largim nga banesa”.
