Me një “Mirëmëngjes” patetik dhe entuziast e ka nisur ditën e sotme Kryeministri Edi Rama në postimin e tij në rrjetet sociale.
Ai ka udhëtuar dje drejt Brukselit për në Konferencën Ndërqeveritare për të diskutuar nisjen e negociatave për në BE.
Delegacioni shqiptar përbëhej nga 25 zyrtarë të lartë të vendit.
Me krenarinë e gjithë shqiptarëve, pa dallim bindjesh e krahinave, sot do të ulemi në tryezën e madhe të Europës së Bashkuar për të filluar negociatat për anëtarësimin.
Ja statusi i plotë:
“MIRËMËNGJES 🦅
me kënaqësinë e me krenarinë që sot Shqipëria e të gjithëve ne, pa dallim feje, krahine, ideje, moshe a statusi social, Shqipëria e Skënderbeut, e rilindasve, e dëshmorëve të luftës, e martirëve të regjimit komunist, e studentëve të Dhjetorit ’90, Shqipëria e familjeve të zakonshme shqiptare, kudo ndodhen dhe e fëmijëve tanë kudo ku rriten me prindërit e tyre, ulet në tryezën e madhe të Europës së Bashkuar për të filluar negociatat për anëtarësimin e saj”
