Pas dënimit me 9 vite burg për shpërdorim detyre, tashmë, për ish kryeministrin Nikolla Gruevski, kanë nisur problemet edhe me familjen.
Bashkëshortja e tij, Borkica Gruevski, ka kërkuar divorcin nga Nikolla. Sipas agjencisë së lajmeve INA, Borkica ka paraqitur në gjykatë, kërkesën për divorc.
“Para Gjykatës Themelore Civile në Shkup, padinë e ka parashtruar paditësi Borkica Gruevska nga Shkupi, kundër të paditurit Nikolla Gruevski nga Shkupi, me adresë të panjohur, për shkurorëzim, me vlerë të kontestit 20.000 denarë”, thuhet në njoftim.
Gjykata e Shkupit ka dënuar në mungesë ish-kryeministrin e Maqedonisë së Veriut, Gruevski me nëntë vite burg për shpërdorim të detyrës në vitin 2011 dhe 2012.
Ai është vendosur në Hungari në një ikje që u përfol nga mediat se u krye nëpërmjet tokës shqiptare.
