Lëvizja për Zhvillim Kombëtar, përshëndet vendimin e Komisionit Evropian, mbi hapjen e negociatave për Shqipërinë dhe Republikën e Maqedonisë së Veriut.
Ky rrugëtim ka qënë një kalvar i gjatë, rënduar nga paaftësitë qeveritare ndër vite (sidomos kësaj të fundit), të cilat u kanë mohuar shqiptarëve, një të drejtë që i takon prej vitesh.
Ne, Lëvizja për Zhvillim Kombëtar, jemi të kënaqur që më në fund, kjo ditë mbërriti.
Urojmë që hapja e negociatave të jetë njëkohësisht zgjerimi i të drejtave të Evropës, si një mekanizëm kontrolli mbi autokratët dhe oligarkët e Tiranës, të cilët deri tani, kanë bërë qejf në kurriz të një populli të pambrojtur, duke e kthyer Shqipërinë, në shtetin më të varfër të Evropës.
Shpresojmë që kjo ditë, të mos jetë thjesht një ditë historike kalendarike por të jetë fillimi i një rrugëtimi të ri dhe shpresëdhënës, në rindërtimin e shtetin të ri shqiptar.
Rruga është e gjatë dhe e vështirë, por me ndryshime të rëndësishme politike mund të realizohet objektivi madhor i shqiptarve, anëtarësimi në BE si një shtet me mirëqënie, ligj dhe demokraci.
