Në një postim të pasdites së djeshme, ish kryeministri Sali Berisha ka reaguar gjithë shqetësim për situatën me zjarret në vendin tonë.
Berisha shkruan se kjo qeveri kurrë nuk ka patur prioritet mbrojtjen e pasurive kombëtare dhe sigurinë e njerëzve ndaj duhet t’i nisim me “pushime” pa kthim…
Ja statusi i plotë i tij:
Shqipëria mes zjarreve, Shqipëria në mëshirë të fatit!
Të dashur miq, zjarret po vendosin çdo cep të Shqipërisë në rrezik, duke kërcënuar tokën, pyjet, banesat dhe njerëzit përreth. Zjarri më i fundit po ndodh në Burrel, ku zjarrëfikset nuk shihen gjëkundi, ndërkohë që qeveria ka marrë pushimet duke mos e çarë kokën për situatën alarmante në vend.
Kjo qeveri e korruptuar kokë e këmbë nuk ka pasur ndonjëherë prioritet mbrojtjen e pasurive publike as dhe sigurinë e qytetarëve shqiptarë.
Ndaj dhe këta njerëz të papërgjegjshëm e meritojnë që të dërgohen përfundimisht me “pushime” pa kthim. #sb
