Në nderim të dy poetëve të martirizuar Vilson Blloshmi dhe Genc Leka.
Në Bërzeshtë në kullën e qëndresës antikomuniste u përkujtua dita, kur regjimi komunist pushkatoi dy poetët e rinj antikomunist.
Vilsoni e Genci ishin shumë premtues për trashëgiminë e letrave shqipe, disident antikomunist, të cilëve regjjmi u mori jetën për shkak të origjinës së tyre nga ata vinin , derë e madhe e patriotizimit , nacionalizmit, dijes, për shkak të lirisë së mendimit dhe shprehjes.
Ata u ekzekutuan për tu bërë të pavdekshëm dhe përjetësuar me veprat e tyre poetike, me vlera të veçanta dhe të spikatura estetikisht, artistike, kummteve dhe mesazheve të fuqishme shprehëse në demaskimin e stigmatizimit të sistemit komunist .
Është një ndër kullat e shqiptarisë ku ndaloi koha dhe ora e komunizmit dhe sigurimit të shtetit dhe që i bën nder vendit tona për atë çfarë ajo ofron si histori e moçme dhe e vonë e sagës së një familjje të njohur e atyre trevave për atdhedashuri dhe në përpjekje për liri demokraci dhe drejtësi.
Si e tillë mesazhi që përcillet është mbajtja e gjallë dhe përkujtimi i përjetësisë së tyre duke i vlerësuar dhe kthyer këto vende simbole të qendreses dhe mbijetesës antikomuniste si pelegrinazhe vendesh të shenjta e destinacioneve turistike kulturore e historike që i rrit vlerat përfaqësuese të kësaj zone.
Kjo është detyre e institucione shtetërore për mirëmbajtjen, ristrukturimin e këtyre kullave simbol.
Përfshirja e këtyre autorëve, poetëve në historinë e ndaluar të letrave shqipe, të disidencës antikomuniste si dhe dënimi i krimeve të komunizmit, gjenocidit komunist, thyerjen e murit të heshtjes nga klasa politike si dhe adresimin e përgjegjësive ligjore janë disa nga shqetësimet që duhen konsideruar si detyrime që vijnë nga rezolutat ndërkombëtare dhe angazhimeve të legjislacionit të brendshëm në zbatim të tyre.
Siç rëndom ndodh me kauzën dhe simbolet e antikomunizimit edhe në një ditë të trishtë si kjo për familjen, të afermit dhe jo vetëm, pak metra përbri shtëpisë autentike të familjes Blloshmi, në Bërzeshtë një tjetër përkujtim dhe simpozium i organizuar në nderim të tyre po jo nga familja…
Nukk e di pse të ndodhte kësisoj,ku përpos të tjerave në atë vend kulmonte dhe ylli i kuq, simboli i regjimit vrastar, paradoksalisht dhe fyese, që pushkatoi me një plumb të dy poetet vëllezër siamez të bindjeve të tyre siç monumenti përjetësisë e tregon në qytetin e Librazhdit, që mendoj duhet ngrihet nga ai pozicion tokësor e të lartësohet si mesazh qiellor, ku kanë vendin poetët.
Situata Covid nuk justifikon alibin e asnjë deputetiti të zonës e sidomos atyre të PD-së me mospjesmarrjen e tyre në një tubim simbolik të sotëm të perkujtimit në nderim të tyre.
Pavarësisht tyre dhe në vlerësim të çdo angazhimi, dy poetët e martirizuar i përkasin gjithë kombit dhe jo vetëm gjeografise së zonës duke i kapërcyer tashmë këto kufij.
Nderim dhe përulësi për ta dhe qendrestareve antikomunist !
Me mikun tim qëndrestarin antikomunist z.Bedri Blloshmi, ku kisha nderin të isha i ftuar dhe të percillja mesazhe respekti dhe nderimi në kujtim dhe homazh të kësaj dite të trishtë për familjen Blloshmi dhe mbarë vendin.
I përjetshëm kujtimi i tyre dhe gjithë desidenteve antikomunist dhe martirëve të demokracisë
