Ky konstatim nuk është i ri dhe nuk trondit më as “viktimat” që e përjetojnë këtë gjendje.
Zvicra renditet në Evropë me pagën mesatare më të lartë prej afro 5700 euro dhe fill mbas saj Norvegjia me 4300 euro.
Pjesa dërrmuese e shteteve të Evropës vërtiten te paga mesatare 1800- 2300 euro, por të ardhur te Greqia me 1150 euro.
Dy vendet e fundit janë Lituania me 809 euro dhe Rumania me 700 euro pagë mesatare.
Shqipëria ?
Po, në fund dhe i fundit është vendi jonë.
Vetëm 302 euro ose 40 mijë lekë është paga mesatare mujore, pra 1330 lekë ose 10 euro dita e punës.
Çmimet…
Çfarë të shkruash dhe ku të ndalësh ?
Mallrat e konsumit me çmime sa ju mungon veç tabela “mos më prek”, nafta është bërë një produkt “vrasës” për ekonominë familjare.
Shqipëria konsiderohet si vendi me çmimet më të larta në Ballkan për produktet ushqimore dhe të higjienës.
44% e të ardhurave mujore shkojnë për nevojat minimale të konsumit ditor familjar.
Çmimet e ndërtimeve për strehim, qera banimi ose blerje banese klasifikohen te më të lartat në Evropë.
