Të tjera detaje dalin nga grabitja e djeshme në fshatin Brataj të bashkisë Selenicë
Detaje të reja janë bërë të ditura në lidhje me pengmarrjen që ndodhi ditën e djeshme në Brataj të Selenicës së Vlorë.
38-vjeçari Vitrin Çobaj mbajti peng për rreth katër orë anëtarët e një familjeje.
Pasi hyri në banesën e shtetasit F. F., 47 vjeç, i cili ishte invalid, autori lidhi me litarë bashkëshortët dhe i izoloi në një dhomë me fëmijët e mitur.
Ka vjedhur me dhunë shumën prej 36.900 lekësh.
Ai, mbasi kryer vjedhjen dhe dhunuar familjen, ka nxjerrë me dhunë vajzën e verbër 17 vjeçare të familjes dhe e ka përdhunuar në kasollen e bagëtive.
Ja çfarë ka deponuar vajza e verbër:
“Më mori prej bluze zvarrë dhe më çoi në kasolle bagëtish dhe më tha fillo zhvishu. Po u ndjeve më tha do të vras me armë. Më abuzoi. Kërkoj që ai të mos lirohet më nga burgu. Është hera e parë që ndodh, herë të tjera nuk kam parë. Kam probleme me shikimin, grupi i dytë, e verbër. Kam frikë”, tha 17-vjeçarja.
“Gjatë veprimeve hetimore ka rezultuar se ky shtetas, më datë 16.07.2022, në orët e para të mëngjesit, në vendin e quajtur “Koria e Rigonit”, në fshatin Brataj, ka hyrë me dhunë në banesën e shtetases Y. F., 41 vjeçe, e cila jetonte së bashku me bashkëshortin e saj, shtetasin F. F., 47 vjeç (invalid) dhe 6 fëmijë të mitur. Nën kërcënimin e një arme dyshohet se 38-vjeçari ka mbajtur peng për rreth 4 orë familjarët e kësaj familjeje duke lidhur me litarë dy bashkëshortët dhe duke izoluar në një dhomë fëmijët e mitur. Gjatë kohës që ky shtetas ka qëndruar në banesë dyshohet se ka ngacmuar seksualisht shtetasen Y. F. dhe tre vajzat e saj të mitura, si dhe u ka vjedhur me dhunë shumën prej 36.900 lekësh”
