Deri më 15 nëntor të këtij viti popullsia e botës do të arrijë në tetë miliardë. Në raportin e Kombeve të Bashkuara thuhet se ritmi i ngadalësimit të vdekshmërisë do të thotë se popullsia e botës do të arrijë tetë miliardë në pak më shumë se katër muaj, 8.5 miliardë deri në vitin 2030 dhe 10.4 miliardë deri në vitin 2100.
India do të kalojë Kinën si vendi më i populluar në botë në vitin 2023, por OKB-ja ka paralajmëruar se lindshmëria e lartë do të sfidonte rritjen ekonomike.
Popullsia e Indisë ishte 1.21 miliardë në vitin 2011, sipas regjistrimit të brendshëm, i cili kryhet një herë në dekadë. Mbretëria e Bashkuar ka një popullsi aktuale prej 68.5 milion banorësh në 2022, me një normë mesatare vjetore të ndryshimit të popullsisë prej 0.4 përqind krahasuar me 0.9 të Indisë.
Në vitin 2021, lindshmëria mesatare e popullsisë së botës ishte 2.3 lindje për grua gjatë gjithë jetës, duke rënë nga rreth 5 lindje në vitin 1950. Fertiliteti global parashikohet të bjerë më tej në 2.1 lindje për grua deri në vitin 2050.
Kombet e Bashkuara thanë se më shumë se gjysma e rritjes së parashikuar të popullsisë globale deri në vitin 2050 do të përqendrohet në tetë vende – Kongo, Egjipt, Etiopi, Indi, Nigeri, Pakistan, Filipine dhe Republikën e Bashkuar të Tanzanisë. Vendet e Afrikës Sub-Sahariane pritet të kontribuojnë më shumë se gjysmën e rritjes së parashikuar deri në vitin 2050.
Megjithatë, popullsia e 61 vendeve parashikohet të ulet me 1 për qind ose më shumë midis 2022 dhe 2050, e nxitur nga një rënie e lindshmërisë. Gjysma e tetë miliardit të shtuar në popullsinë botërore ishte rezultat i zgjerimit demografik të Azisë. Afrika dha kontributin e dytë më të madh me gati 400 milionë). Dhjetë vende kontribuan në më shumë se gjysmën e rritjes së popullsisë duke çuar nga miliardi i shtatë në të tetën. India ishte deri tani kontribuuesi më i madh, i ndjekur nga Kina dhe Nigeria. Afrika dhe Azia do të nxisin rritjen e popullsisë derisa të arrihet 9 miliardi në 2037.
