Nga Greqia, shkruan Shpëtim Zinxhiria
Gjykata greke ka dënuar me 15 vite burg 43-vjeçarin shqiptar, që përdhunoi vajzën e tij 14 vjeçe
Një dënim me 15 vite burg është vendosur të premten nga Gjykata e Bashkuar Jurie në Lamia për 43-vjeçarin, “babai” nga Shqipëria, i cili u arrestua korrikun e kaluar në një zonë të Fokidës për dhunë në familje ndaj tre fëmijëve të mitur, ndërsa më pas u zbulua se ai ishte fajtor mbasi kishte përdhunuar vajzën e tij të madhe para se ajo të mbushte 14 vjeç, siç raportojnë mediat vendase.
Vendimi i gjyqtarëve dhe jurive të rregullta ishte unanim, si dhe fakti që ankimi i tij nuk ka fuqi pezulluese. Kjo do të thotë se 43-vjeçari do të rikthehet në Burgun e Grevenës, ku ndodhet i burgosur që prej verës së kaluar.
Drama për fëmijët.
Është një dramë familjare, pasi tre fëmijët janë rritur vetëm me “babain”, pasi nëna e tyre ishte larguar nga shtëpia.
Përshkrimi që i ka bërë Gjykatës nga djali i madh (17 vjeç sot), i cili bashkë me dy motrat tashmë ndodhet në shtepinë e femijës “Buzëqeshja e Fëmijës”, nuk i ka lënë vend gjyqtarëve të keqinterpretojnë atë që po përjetonin në shtëpi.
“Nuk kam besim tek ai, nuk po kalonim mirë. Nuk dua të kem lidhje me asnjërin nga prindërit e mi. Dua të kthehem në Fondacion”, ka përfunduar 17-vjeçari në dëshminë e tij, sipas informacioneve të lamiareport.
Viktima kryesore e çështjes nuk ka shkuar në Gjykatë për shkak të moshës së tij të mitur, por Prokurori i Rrethit ka theksuar se “nga të gjithë psikologët që e kanë ekzaminuar, asnjëri prej tyre nuk ka thënë se ajo për të cilën ajo ankohej ishte trillim.
Çfarë mbështeti 43-vjeçari?
Nga ana e tij, “babai” 43-vjeçar në kërkim të faljes mohoi akuzat duke thënë se çfarëdo që ka bërë e bija e ka bërë për t’u hakmarrë ndaj tij, që nuk e ka lënë të dalë me miqtë e saj dhe ka ardhur pas orës 11 të natës. . Ajo pretendoi se donte të dilte jashtë, ndërsa ai e detyronte të bënte punët e shtëpisë.
