Kiko është majmuni “kampion”, që rrahu me shuplaka policët bashkiakë të Sarandës.
Reagon pronari: Lëreni Kikon të qetë! Ai është miqësor.
Mbetet ende në vëmendje majmuni “rebel” në Sarandë, i cili shpëtoi nga kafazi i një subjekti privat dhe më pas u bë objekt kërkimi nga blutë e qytetit bregdetar dhe viral njëkohësisht për mos pranimin e “prangave”
Lidhur me këtë ka reaguar biznesi, që ka majmunin, duke iu bërë thirrje qytetarëve që ta lënë atë të qetë, pasi është i familjarizuar me njerëzit.
“Përshëndetje të dashur miq, ky në foto është Kiko. Kiko është një majmun që ne prej vitesh e kemi, është i familjarizuar me njerëz, me njerëz që e duan dhe jo me njerëz që vrapojnë pas tij me shkopinj e gurë. Ne menduam se pas kaq vitesh në kafaz, do ishte mirë që të ishte i lirë. Nga dëshira e tij për të eksploruar vendin, ai del xhiro dhe kthehet prapë në shtëpinë e tij. Ai është majmun… po mbase nuk keni parë majmun…, por ju lutem e lini të qetë, në lirinë e tij… Ai e ka një shtëpi dhe një familje…!”, thuhet në reagimin e biznesit në Sarandë.
