Deri mbrëmjen e vonë të së mërkurës ka vazhduar të digjet Mali i Çikës dhe tashmë veç opinioni publik po mundohet ta shuajë me “thirrje” virtuale ndaj autoriteteve.
Nuk është e vetmja vatër zjarri aktive, në rrethinat e Fushë Krujës flakët dogjën ditën e djeshme një sipërfaqe të madhe me pyll shkurresh, por edhe pemtari, një tjetër vatër u aktivizua mbrëmjen e djeshme në kodrat mbi Dhërmi.
Stina e verës me temperatura kaq të larta do të jetë një sprovë e madhe për autoritet, që s’kanë mjetet e duhura për shuarjen e zjarreve, por edhe për banorët, që rrezikojnë pemtari, pyje, kullota, bagëti dhe banesa.
Temperaturat e pritshme javën tjetër do të arrijnë rekorde mbi 40°C dhe ky është një paralajmërim për rrezikun e lartë, që mund të ndodhemi.
