Inxhinier Migjen Skenderaj, është rritur me ekipin e futbollit “Bylis” të Mallakstrës.
Ish futbollist i spikatur dhe më vonë trajner i ekipit, Migjeni konsiderohet simbol i futbollit jo vetëm në Mallakastër.
Ai është një emër i lakuar shpesh në botën sportive, qytetare dhe profesionale si inxhinier nafte dhe mjeshtër i lojës së futbollit.
Ekipi i futbollit “Bylis” u krijua zyrtarisht në vitin 1973 dhe u rreshtua në kategorinë e tretë.
Udhëtimi i tij ka vazhduar gjatë nga kategori e parë, në superiore, por edhe në aktivitete evropiane si për kupat “Intertoto”.
E sot, Skenderaj, sjell një shkrim të shkurtër, por plot ndjenjë për klubin e futbollit “Bylis”.
Është uniforma e zemrës së tij, por edhe qindra djemve mallakastriot që e veshën, është simboli që e mbajtën shumë djem nga qytete të tjera të Shqipërisë, por edhe nga vende të kontinenteve të tjera.
Ja postimi i plotë i trajnerit, inxhinier Migjen Skenderaj:
Kjo është foto më e vjetër e Bylis që është bërë në kampionatin zyrtar të kat.III në Përmet, më 1973.
Në atë kohë ekipi quhej 14 Korriku e mandej 8 Korriku, Ballshi Ri dhe prej 1995 Bylis.
Nder dhe respekt për ata që në 14 Korrik të vitit 1972 iniciuan krijimin e ekipit si drejtuesit ekzekutiv te kohës M.Radovicka dhe E Saliaj,
trainerin e apasionuar V Mone, futbollistët E Yzeiri A.Murati M.Saliaj A.Muca etj.
Nder dhe respekt për të gjithë ata, që kontribuan dhe vazhdojne te kontribojne në veçanti familja Kapllanaj me president B.Kapllanaj.
Nder dhe respekt për të gjithë futbollistët që kane kontribuar dhe vazhdojne të kontribuojnë për Bylis.
JU JENI NDERI DHE KRENARIA E MALLAKASTRËS.
Kam fatin të jem bashkudhëtar për 50 vjet, në ate kohë 15 vjeç e sot 65 me këtë ekip, si futbollist, trainer drejtues teknik e sot si sportdashës dhe ndjehem krenar që ky Bylis njeh vetëm histori suksesi.
Nga nivelet më të ulta ka arritur te luaj ne kupat e Europës.
Dhurata më e bukur në këtë 50 vjetor, Bylisi është kampion i Kategorisë së Parë, ringjitja ne Superligë si dhe kampion i U-21.
Edhe njëherë:
