Një pyetje që s’do përgjigje.
Eksperti i legjislacionit tatimor Faslli Goga, bënë një shënim të shkurtër sot, në lidhje me amnistinë fiskale të projektuar nga qeveria.
A s’më thoni, shkruan ai, kush e beson se emigranti bënë 2 milion euro pasuri me punë krahu apo mendore… ? Sigurisht që pasuri e tillë vjen vetëm nga trafiqet dhe për rrjedhojë, amnistia bëhet për lekun e errët.
Ja shënimi i ekspertit:
Amnistia fiskale…!!!
A s’më thoni???
Cili shqiptar beson se nga puna në të zezë e emigrantëve, pra nga puna e krahut e pasiguruar dhe e paguar në të zezë mund t’ju japë mundësinë që të kursejnë deri në 2 milion euro?
Besoj se asnjë.
Pra ka vetëm një alternativë për t’i siguruar këto para dhe ajo është e trafiqeve të paligjshme të qenieve njerëzore dhe të drogës.
Me një amnisti të tillë, lufta kundër kriminalitetit, trafiqeve të paligjshme dhe korrupsionit është një veprim i dështuar, një fasadë e cila fatkeqësisht qëndron vetëm në letra apo në fjalime të mirëpregatitura nga oratorë, për të shpërqëndruar vëmendjen e dëgjuesve nga thelbi dhe logjika e munguar.
A janë gati bizneset e ndershme të pranojnë këtë tallje të madhe që iu bën qeveria??
