Rrjeti social “Twitter Inc.” u ndërpre për mijëra përdorues në të gjithë botën ditën e sotme.
Në muajin shkurt kishte ndodhur për herë të fundit një situatë e tillë.
Ka pasur më shumë se 27,000 incidente të njerëzve që raportuan probleme me Twitter në Shtetet e Bashkuara, sipas faqes së internetit. Përdoruesit në vende të tjera, përfshirë Mbretërinë e Bashkuar, Meksikën, Brazilin dhe Italinë gjithashtu raportuan se Twitter nuk funksiononte.
Individët që tentonin të përdornin platformën e mediave sociale u përballën me një mesazh që thoshte “Tweet-et nuk po ngarkon tani. Provoni përsëri.”
Nuk ishte e qartë se çfarë e shkaktoi ndërprerjen.
Twitter nuk iu përgjigj menjëherë një kërkese për koment.
Twitter në shkurt pësoi një ndërprerje që pezulloi shërbimet për disa mijëra përdorues të tij. Më vonë, ajo tha se rregulloi një defekt softuerësh në faqen e saj të mikro-blogimit.
Kujtojmë se rrjeti elitar i komunikimit është në një proces të ndërlikuar me Elon Musk i cili anuloi blerjen e premtuar të kësaj platforme.
