Harta e re e drejtësisë, është harta e re e padrejtësisë.
Është kërkuar që të pezullohet shqyrtimi nga qeveria e hartës gjyqësore, për sa kohë janë duke shqyrtuar hartën territoriale. Kjo do të thotë që në qoftë se ti sot bën një Gjykatë Apeli dhe bën katër rajone prap nuk përputhet praktikisht.
Në komision e Ligjeve, sot Kryetari Maks Haxhia ka thënë :
“Qëndrimin e Dhomës së avokatisë së Shqipërisë “, ne kemi qenë, jemi dhe do të jemi për reformën në drejtësi dhe asgjë që ka të bëjë me hartën e re gjyqësore askush s’duhet ta interpretojë si qëndrim kundër reformës në drejtësi.
Vendimet tona mund t’i gjykoni si qëndrime politike, por ne nuk i përkasim asnjë krahu politik dhe vendimet tona janë të pastra të ndërmarra vetëm si Dhomë Avokatie.
Harta e re e gjyqësorit nuk është vetë reforma në drejtësi, por është një hartë për të pasur drejtësi sa më kualitative dhe për ta afruar më pranë publikut.
Ne përfaqësojmë publikun dhe e kemi bërë shumë të qartë. Ne nuk kemi hallin sesi do të paguhemi, por që drejtësia të jetë efiçente dhe me këtë hartë të re gjyqësore drejtësia bënë të kundërtën.
Ne i kemi paraqitur argumentet tona të pakundërshtuara dhe të krahasuara me rajonin.
Nesër përpara KLGJ në ora 11.00 do të mblidhemi për të protestuar, për qëndrimin absurd të KLGJ lidhur me hartën e re gjyqësore.
Na dëgjoni sot, nesër do jetë vonë !
“ Drejtësia është kthyer në nje plaçkë të pavlerë nga pseudoreforma në Drejtësi. Bashkohuni nesër për një zë të fuqishëm, që mos të kemi një hartë të padrejtësisë.
