Zeusi -Deus (Jo ky i Tiranës)

Zeusi, i njohur si Jove (Jupiter) në mitologjinë romake, ishte sunduesi i qiellit dhe tokës. Konsiderohet si mbreti i perëndive të OLIMPIT.
Ai ka lindur në një shpellë të malit DIKTA, ndërsa ka jetuar në një shpellë tjetër të malit IDA (ne Kretë), ku e kishte fshehur e ëma e tij REA që të mos e gëlltiste i ati, Kronosi (Koha). Në shpellë ai ushqehej me qumështin e dhisë nimfë të quajtur Amaletea. Pas betejës dhe fitores me titanët dhe ciklopët, e meritoi respektin dhe nënshtrimin, duke u shpallur si mbret i të gjithë zotave tjerë. Arma e tij ka qenë rrufeja, ndërsa pushteti i sundimit toka dhe qielli. Bashkëshortja e tij ishte Hera.