Ngjarja e rëndë ka ndodhur në Itali, në La Spezia.
Zonja, e cila u godit 7 herë me thikë nga ish-bashkëshorti u përmend në spital.
Ajo ndodhet në gjendje të rëndë shëndetësore, por sapo ka hapur sytë ajo ka pyetur për fëmijët e saj. Ku janë fëmijët ? Kjo ishte fjalia e parë që artikuloi.
“Shpresoj të dal nga spitali shpejt dhe të shoh përsëri fëmijët e mi, nuk do t’i lë më kurrë. Ku janë fëmijët e mi, si janë?”, këto ishin fjalët e saj të para teksa vazhdon të jetë e shtruar në spitalin Sant’Andrea në La Spezia.
Mediat italiane shkruajnë se pranë saj është gjendur avokati, Massimiliano Leccese i cili e qetësoi shqiptaren duke i thënë: Ata janë të mirë.
Ish-bashkëshorti Sokol Begaj, 37 vjeç, u arrestua dhe ndodhet në burg Andreino.
Ai akuzohet për vrasje të mbetur në tentativë.
“Ai është në një gjendje të vështirë psikologjike sepse nuk mund ta kuptojë se çfarë ka ndodhur”,-thotë avokati i tij, Cristian Falconi.
Një ditë para ngjarjes, çifti kishte arritur një marrëveshje jashtëgjyqësore për kujdestarinë e fëmijëve.
