Projekti i portit të Durrësit përfaqëson një skemë të pastër korruptive, me synimin e qartë për ta deformuar dhe falimentuar këtë aset të rëndësishëm të qytetit dhe më gjerë.
Të dhënat zyrtare dëshmojnë një fakt të pakundërshtueshëm.
Administrata e kësaj qeverie po i drejton të gjitha anijet të përpunohen në portin MBM, pronarët e të cilit, duhet të jenë miq të qeverisë, duke rrezikuar deri në falimentim operatorët, që kryejnë aktivitetin tregtar në portin më të madh në vend.
Vetëm për 6 mujorin e parë të këtij viti te koncesionari MBM janë përpunuar 50 mijë tonë mallra më shumë, sesa në portin e Durrësit, pa anashkaluar faktin se APD i detyrohet Bashkisë së qytetit 15 milionë lekë të rinj, ku nuk përfshihen të ardhurat nga koncesionet brenda hapësirës portuale.
Me këtë ritëm, në të ardhmen e afërt mbi 10 mijë familje, të cilat sigurojnë jetesën duke punuar në sektorë të ndryshëm në këtë port do të mbeten pa punë dhe pa të ardhura.
Stop vjedhjes së pasurive publike!
Stop falimentimit me qëllim të operatorëve shtetërorë e privatë per interesa të miqve të qeverisë!
