Mendohet se 17 vjeçari nuk është mbytur në liqen, por në një gropë që përdorej për ujitje.
Misterin e shton transporti i viktimës për në rezervuarin e Vrapit.
Të tjera detaje janë zbardhur nga ngjarja e rëndë ndodhur ditën e djeshme në Tiranë, ku humbi jetën një 17-vjeçar.
Mediat raportuan dhe neutrale.al gjithashtu se i riu humbi jetën teksa po lahej në rezervuarin e fshatit Vrap, mirëpo sot qarkullojnë informacione se adoleshenti nuk u mbyt në rezervuar.
Djaloshi është mbytur në një gropë të hapur për vaditje dhe jo në rezervuar siç u raportua dje nga policia.
Ai banonte në Tiranë, por kishte shkuar tek xhaxhai, ka rrëshqitur në një prej gropave që rrethohen nga plastmasi, dhe është mbytur, për shkak edhe se nuk dinte not. Sipas banorëve gropa është mbyllur gjatë natës për të fshehur kështu ngjarjen e rëndë. Nëse kjo vërtetohet situata bëhet edhe më e rëndë.
Sipas mediave bëhet fjalë për gropa të thella disa metra, të veshura nga brenda me plasmas, të cilat mbushen me uje dhe përdoren nga banorët për vaditje të pemëve, kryesisht të ullinjve që janë më të përhapur në zonë.
Janë organet e hetimit që do të bëjnë zbardhjen e plotë të ngjarjes.
