Arrestohet një 35 vjeçar në Vorë, vodhi rreth 200 litra naftë nga ekskavatori i një kompanie, e pëson dhe blerësi i karburantit.
Policia e Tiranës ka finalizuar operacionin e koduar “Fuel”.
Gjatë aksionit, policia ka arrestuar një 35-vjeçar, i cili ka vjedhur naftën nga serbatori i njën ekskavatori, në kantierin e ndërtimit.
Në pranga është vënë edhe shtetasi që bleu naftën e vjedhur.
Njoftimi i policisë:
Shërbimet e Komisariatit të Policisë Vorë, në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve para përgjegjësisë ligjore, pas një pune të mirëfilltë hetimore, organizuan dhe finalizuan me sukses operacionin policor të koduar “Fuel”.
pranga shtetasit:
– J. S., 35 vjeç, banues në Vorë, për veprën penale “Vjedhja”;
P. K., 31 vjeç, banues në Vorë, për veprën penale “Përvetësimi i parave ose mallrave që rrjedhin nga vepra penale ose veprimtaria kriminale”.
Nga verifikimet e kryera ka rezultuar se shtetasi J. S., ka vjedhur rreth 172 litra karburant, nga ekskavatori i një firme ndërtimi dhe më pas ia ka shitur shtetasit P. K., i cili ishte në dijeni që karburanti që kishte blerë, ishte i vjedhur.
Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme proceduriale.
