Te TEG-u, dje duke punuar janë plagosur dy adoleshentë.
Rasti i tyre nuk u pasqyrua në asnjë relacion, por gazetarja Klodiana Lala, që e ka konstatuar faktin, ka reaguar ashpër.
Ja postimi i saj :
“Dy të mitur 16 dhe 17 vjeç u aksidentuan teksa punonin në ndërtim në qendrën tregtare Megatek. Si është e mundur që ende ka kompani që punësojnë të mitur dhe asnjë institucion s’ka dijeni. Besoj ju kujtohet rasti i Ardit Gjoklajt. Ne si media duhet të hapim sytë se mund ta mohojnë që ishin të punësuar aty. Të miturëve të cilët janë dëmtuar në pjesë të ndryshme të trupit ju uroj shërim të shpejtë. Autoritetet të zbardhin ngjarjen.
P.s Djemtë ishin tek Trauma, kur vetë unë mbërrita në urgjencë për një shqetësim shëndetësor, që kushdo që guxon të më përgënjeshtrojë apo pretendojë të kundërtën ta dijë mirë që e kam çdo gjë të faktuar”shkruan Lala.
