Dy viktima dhe mbi 1 mijë të infektuar me COVID-19 në Shqipëri, në 24 orët e fundit
Është rritur ndjeshëm numri i qytetarëve të infektuar me COVID-19. Ministria e Shëndetësisë bën me dije se gjatë 24 orëve janë regjistrua infektuar me koronavirus 1001 qytetarë nga 2221 testime të kryera.
Po ashtu, gjatë këtij harku kohor kanë humbur jetën nga koronavirusi dhe dy qytetarë nga Tirana të moshave 63-76 vjeç.
Të infektuar ka në çdo rreth, por Tirana kryeson me mbi 450 raste dhe më tej Durrësi me 73 raste, Fieri, Saranda e Vlora me nga 34, Kamza 25 e qytetet e tjera me më pak raste.
Kjo gjendje ka vënë në alarm Komitetin Teknik të COVID- 19 dhe Ministrinë e Shëndetësisë, që bëjnë thirrje për vaksinim.
