Policia Rrugore informon, se po vijon kontrollet në të gjithë vendin, duke përdorur 11 makinat inteligjente, të pajisura me radarë dhe lexues automatikë, radarët automatikë, kamerat, aparatet fotografike, dronët, dronët “edukues” dhe patrullat në lëvizje me mjete të paloguara, të cilat po monitorojnë qarkullimin rrugor, në të gjitha rrugët e vendit.
Gjatë 24 orëve janë vendosur mbi 2000 gjoba për shkelje të ndryshme të kodit rrugor, si shpejtësi, parakalime, mos mbajtja e rripit të sigurisë, përdorimi i telefonit, parkime të gabuara etj.
Gjithashtu janë 53 leje drejtimi të pezulluara.
Policia Rrugore këshillon që të zbatohen me korrektësi rregullat e lëvizjes me mjete motorike për të rritur sigurinë në rrugë.
