Aksident i rëndë ka ndodhur sot në Berat, lagjja “Çelepias”.
Një minoren, që ishte në drejtimin e një automjeti me targa gjermane,ka përplasur në vijat e bardha një grua që po kalonte rrugën dhe e ka hedhur atë disa metra tutje.
Pasi ka goditur gruan, “shoferi”, që drejtonte mjetin tip Volvo me targa gjermane ka përplasur nga prapa edhe një mjet tip Volswagen.
E plagosura,që mësohet se është rreth 65-vjeçe,është banore e lagjes “Çelepias” dhe po kalonte rrugën për të ikur në shtëpi,me qeset e ushqimeve në dorë.
Gruaja është transportuar drejt Spitalit Rajonal Berat,në gjendje të rëndë,ndërkohë që në vendngjarje kanë shkuar forcat e policisë.
Burimet policore në vendngjarje konfirmojnë se minoreni Buran Osoja ishte duke qarkulluar me shpejtësi në momentin që ka përplasur gruan në vijat e bardha.
Të njëjtat burime konfirmojnës Osoja ja kishte marrë çelësat e makinën fshehurazi xhaxhait që ishte kthyer nga Gjermania,për të shëtitur në qytet.
