Guvernatori i Bankës së Shqipërisë, Gent Sejko deklaroi sot,në një konferencë për mediat se inflacioni gjatë muajit prill dhe maj shënoi rritje duke kapur shifrën e 6.7 %.
Ai u shpreh se prodhimi i brendshëm është rritur me 6%, por dihet se kjo është rritje sezonale, që vjen nga prodhimet bujqësore.
Gjithashtu Sejko, tha se janë rritur normat e interesit në banka, por me këtë inflacion, kushdo e ka të qartë, se rritje e tillë, nuk ka asnjë efekt në buxhetin dhe ekonominë e familjeve.
Nga fjala e tij:
“Inflacioni shënoi rritje në muajin prill dhe maj duke shënuar 6.2 dhe 6.7%. Ishin në kahun e sipërm të parashikimeve tona. Pasqyroi rritjen e çmimeve të ushqimeve. Sipas të dhënave të INSTAT, GDP u rrit me pothuajse 6% në tremujorin e parë të këtij viti. Rritja ekonomike u diktua nga zgjerimi i konsumit dhe investimeve private dhe rritja e eksporteve. Rënia e investimeve publike dhe rritja e importeve kanë rritja e importeve kanë shkuar në kahun e kundërt.
Inflacioni do të vazhdojë të jetë i lartë në tremujorët në vijim, projeksioni dhe skenarët bazë sugjerojnë se norma e inflacionit do të kulmojë jo shumë larg nivelit aktual në tremujorin e tretë të vitit aktual dhe do të vijë me rënie graduale gjatë tremujorëve në vijim. Kjo trajektore pritet ta sjellë inflacionin objektiv në gjysmën e parë të vitit 2024. Projeksionet e skenarit baza parashikojnë një normalizim gradual të politikës monetare në periudhën në vijim. Shpejtësia e normalizimit do të synojë një harmonizim sa më të mirë të intensitetit të stimulit monetar me intensitetin e presioneve afatmesme dhe inflacioniste.”
