Është Sabah Sheta që jep alarmin për situatën e zjarreve në Krastë të Krujës.
Ai thotë se Kruja nuk mbetet më qyteti i ndërgjegjes shqiptare nëse heshtim përballë këtij kolapsi mjedisor dhe ekonomik.
Ja postimi i plotë i tij:
Katastrofë, kurora e Krujës në flakë prej 24 orësh !
E tmerrshme ajo çfarë po ndodh në qytetin e Krujës, kurorën e saj, por edhe periferia. Zjarri ka rënë dje pasdite dhe vazhdon nën syrin e shtetit dhe nën pafuqinë e dhimbjen e qytetarëve.
Krasta e Krujës, mushkëria e saj, në flakë e zjarr.
Pjesa më e bukur e Krujës, ajo pjesë e gjelbër që thyen ngjyrën e hirtë të malit, tashmë është shkrumb.
Fotot e dëshmojnë këtë Katastrofë mjedisore, por për qytetin tonë, katastrofa është dhe ekonomike.
Një zjarrfikëse, e vetmja në Krujë, përballë atyre flakëve dhe në terrenin e thyer nuk ka çfarë bënë.
Si qytetar i Krujës, si njeri i lindur, rritur e lidhur shpirtërisht me atë qytet, ju bëjë thirrje autoriteteve të ndërhyjnë sa më parë me çdo mjet të mundshëm.
Gjithashtu ju drejtohem bashkëqytetarëve të mi dhe çdo shqiptari që të çojnë zërin për heshtjen shtetërore.
Kruja nuk është vetëm e krutanëve, ajo është ndërgjegje e çdo shqiptari.
