Shoqëria jonë e evoluar me proces të përshpejtuar, ku etapat afatshkurtra kanë bërë diçka diku si dhe lënë për gjysëm vetëpjekjen shoqërore në ide, realizim, udhëtim, mendim etj !
Defiçensa të mëdha në ndërtimin e shtetit ligjor, pikasur në çdo hallkë kjo, tregon se kjo shoqëri e sëmurë
në çdo qelizë prej kancerit korruptivë, ka nevojë të ndërtoj më së pari qelizat imune dhe mendimin progresiv përpara se të ndërtoi shtetin !
Të ndërtuarit e mendimit është vetëpastrim nga veset dhe ligësitë,
është vetëmohim në punë, dije dhe përkushtim.
Është ndërgjegje, është pozitivitet ,
Kërkohet dhe optimizëm, të shohësh gotën plot me mundësi !
Nje shtet i drejtuar nga ata, të cilët nuk kanë ndërtuar më parë mendimin ose ende janë në fazën e formimit të tyre shoqëror e politik sjellin dëm të pariparueshëm në konceptin e shtetbërjes, gjë e cila, ka ndodhur tashmë.
Emrat e ekzekutivit në këtë Qeveri ushqehen me doktrinat e vjetra, ata ende përçojnë dogmat e së kaluarës e ju thurin lavde idhëtarëve të vdekjes ose vendimmarrësve të vdekjeve pa gjyq, pa faj, internimeve dhe luftë së klasave.
Po kush mund ta ndërtoo mendimin më parë e pastaj të drejtoi shtetin, kur ne nuk kemi rënë dakord akoma tê dënojmë krimet e panumërta të Komunizmit, vijojmë të nënshtrohemi birit të djallit, me rite pagane apo valle, me servilosje apo bindje në format më të pështira.
Shoqëria, e cila është pa nerv, e cënuar gjenetikisht, përdjegur e përndjekur, me barriera gjeografike dhe histori të deformuar, duhet të bëjë një me culpa gjeneroze brenda vetes.
Flasin e çirren si avokat të njerëzve sikur janë mesia, por sundojnë mbi ta pa mëshirë.
Keqpërdorur misionin e detyrën për të cilën paguhen, specializuar për zullume e plaçkisin si pa të keq, këta mbeten kope e ujqërve të pa atdhe, por fatkeqësisht, kësaj kopeje i kemi dorëzuar atdheun.
Ndërto mendimin .Pastaj ndërto shtetin !
Një mendim i ndërtuar do të thotë, qartësi në veprim, hap i sigurt për të ndërtuar shtetin !
Kush mund ta ndërtoi mendimin ?
Ky leksion gjendet e mësohet në jetën e përditshme, te hallet e nevojat qytetare, mjafton t’i dëgjosh, të mbash shënime, por mbi të gjitha, të duash ata njerëz, njerëzit e tu.
Disa nga mijëra problemet që ka vendi jonë :drejtësia, mjekësia, arsimi, bujqësia, investimet publike, doganat, tatimet, minierat e burimet hidrike, prona, kriminaliteti, politikat e punesimit etj, etj, por spikat si problem edhe pjekuria jonë shoqërore.
Grabitqarët me kostum i gjen kudo, ajo çfarë thashë më sipër nuk është një shkrepje mllefi, ajo është e vërteta e perceptuar dhe e prekur nga shqiptarët.
Për këtë, mjafton t’i pyesësh dëgjosh e shënosh çdo qytetar që takon.
Mjafton të bësh të kundërtën e kësaj që bënë qeveria bashkë me administratën e saj dhe në 90% e ke ndërtuar mendimin.
E pastaj mendimit të ndertuar t’i gjesh njerëzit e duhur !
Deri kur vjen ajo ditë nuk e di, por shembulli se suksesi është i garantuar vjen nga SHBA-të, e cila e ndërtoi Mendimin e saj dhe e kurorëzoi më 1776.
Mbas 246 vitesh, vazhdon të jet frymëzim për shtete të tjera, për lirinë, mirëqenien dhe sigurinë globale !
