Sekretari i Përgjithshëm i PD-së, Flamur Noka, ka bërë një reagim në “Facebook”, duke cituar Walter Cronkite, gazetar dhe folës në CBS.
Noka, ka ndalur në këtë referim nisur nga “përplasja” e shumë diskutuar e gazetarit Klevin Muka me kryeministrin Edi Rama.
Ja statusi i plotë”
Walter Cronkite, gazetar dhe folës në CBS, gjigandi mediatik amerikan, shprehej se “Gazetaria është ajo që na duhet që demokracia të funksionojë”.
Gazetari Klevin Muka është nga ata profesionistë të rrallë, që nëpërmjet gazetarisë kryejnë një shërbim të çmuar publik me impakt në komunitet.
Me vetëm një pyetje, Klevin Muka e çmontoi imazhin e kuruar të kryeministrit Rama, duke na e sjellë ashtu siç në të vërtetë është:
I paaftë, arrogant dhe i kapur.
Mjafton një pyetje jashtë skenarit teatral të konferencave për shtyp, që Edi Rama të dalë vetvetja.
Kolegët gazetarë, sa herë përballen me fyerje e mungesë respekti nga kryeministri, duhet të çohen nga salla e ta lënë Edi Ramën vetëm me stafin e ERTV-së.
