Gjashtë të vdekur, tetë të plagosur dhe dymbëdhjetë të zhdukur, është numri paraprak i viktimave të shkaktuara nga shembja e një masivi dëbore në Marmolada të Italisë, ndërkohë që raportohen për dy të plagosur rëndë.
“Marmolada, crolla grosso seracco: 6 morti e 8 feriti, due gravi”, shkruan Il Giorno
“Situata po evoluon dhe aktualisht është e vështirë të japësh një informacion të saktë të asaj që ka ndodhur “, tha për Ansa, këshilltari rajonal i Venetos për mbrojtjen civile, Gianpaolo Bottacin.
Sipas asaj që mësohet nga burimet e grupeve të shpëtimit, trupat e pajetë janë nxjerrë nga masa e akullit, ndërsa kërkimet vijojnë për persona të tjerë. Incidenti ka ndodhur përgjatë ngjitjes, ndërkohë që dje në Marmolada u arrit rekordi i temperaturës, me rreth 10°C në majë të malit.
