Fëmijët e mitur, të moshës 11, 12 dhe dy 13 vjeç, kanë rrezikuar të mbyten sot, ndërsa ndodheshin duke bërë plazh në Vilë Bashtovë.
Policia ka njoftuar se ata janë paraqitur fillimisht në urgjencën e Kavajës, dhe më pas janë transportuar drejt spitalit të Durrësit.
Njoftimi i policisë:
Informacion i policisë:
Më datë 03.07.2022, janë paraqitur në urgjencën e Kavajës, 4 shtetas të mitur, të moshave 11, 12 dhe dy nga 13 vjeç, të cilët duke notuar në Vilë Bashtovë, kanë rrezikuar të mbyten.
Stafi i urgjencës mjekësore të Kavajës i ka transportuar 4 të miturit në spitalin e Durrësit, dhe ndodhen nën kujdesin e mjekëve, jashtë rrezikut për jetën.
Grupi hetimor po punon për sqarimin e rrethanave të ngjarjes.
