Ish kryeministri Berisha, pasditen e së shtunës, në një bashkëbisedim online me përfaqësuesit e diasporës ka trajtuar një sërë problemesh me ta.
Ai u shpreh se vota e tyre është detyrim dhe ligji ishte gati që në 2013, por opozita e atëhershme e pengoi miratimin.
Gjithashtu ai ka premtuar se Kosova dhe qytetarët e saj do të jenë prioritet në çdo marrëdhënie.
Ai u shpreh se do të firmosë një marrëveshje me Kosovën për shtetësinë, ku do t’i japë të drejtën çdo shqiptari, në të dyja anët e kufirit, të mbajë shtetësinë që do.
“Shqipëria nuk do pranojë kurrë trajtim tjetër ndaj Kosovës përveçse barazisë. Shqipëria, një nga marrëveshjet që do firmosë me Kosovën do jetë marrëveshja e shtetësisë. Cilido shqiptar, në të dyja anët e kufirit, do ketë të drejtën të zgjedhë shtetësinë që do ose të mbajë dy shtetësinë. Me Kosovën do hiqet ajo që Edi Rama i ofron Serbisë, Shqipëria do ia ofrojë Kosovës. Do lobojë për njohje të saj ndërkombëtare dhe do ta mbështesë Kosovës në denoncimin e Serbisë në gjykata ndërkombëtare për gjenocidin ciklik serb në veriun e Shqipërisë”- u shpreh Berisha
