“Më datë 02.07.2022 ndërroi jetë Prof. Fotaq DIAMANTI, ish profesor i Gjeologjisë së Naftës për një kohë të gjatë, në Fakultetin e Gjeologjisë dhe Minierave, ish Përgjegjës i Katedrës së Gjeologjisë së Naftës dhe ish dekan i këtij fakulteti në vitet 1996-1997”
Në thonjëza, paragrafi lart, njoftimi i Fakuktetit ku ai punoi e drejtoi.
Ngushellime familjes dhe miqve pafund të profesor Fotaqit.
Profesor Diamanti ka lënë mbas dëshmi pafund të punës së tij në të mirë të shkencës dhe shoqërisë.
Padyshim është në zemrën e çdo studenti që kaloj në auditorët e Fakultetit , si një profesor i përkushtuar, i ndershëm dhe i dashur .
Profesor Diamanti, ushtroi edhe detyra të tjera, si keshilltar i Presidentit për energjetikën dhe n/ kryetar i këshillit mbikëqyrës të Albpetrolit, ku tregoi aftësi të mëdha intelektuale e profesionale dhe mbi të gjitha ishte një patriot i madh .
Ai shikonte interesin e madh të vendit në lidhje me hidrokarburet dhe ishte në mbrojtje të interesit kombëtar në çdo kontratë që firmosej edhe pse në 1997 e nxorën në pension të padëshiruar socialistët e rikthyer në pushtet.
Profesori nuk u josh e lëkund kurrë para çfarëdolloj oferte prej përfituesve të njërës nga pasuritë më të mëdha të shqiptarëve, naftës .
Profesor Fotaqi dhe ajo plejadë pedagogësh të Fakultetit Gjeologji Miniera kanë dhënë një kontribut të madh ndaj Atdheut.
Puna dhe sakrificat e tyre do të meritonin shumë e shumë vlerësim shtetëror, por ky është realiteti shqiptar, vlerëson gjithfarë horrash dhe lë në harresë bërthamën intelektuale.
Lamtumirë profesor i dashur !
