Kush do të intersohet për këtë Diasporë zoti Kryeminister ?
Ju e zhbëtë Agjencinë e Diasporës për ca pak fonde, që e dini ju se ku i çoni…
Gabuat atje ku nuk duhej ..!
A e di qeveria juaj se jemi të vetmit që nuk kemi asnjë dikaster, institucion që të merret apo kujdeset për Diasporën apo për mbare emigracionin shqiptar?
A e di qeveria juaj se në vendet fqinje, si në Kosovë apo në Greqi, funksionon Ministri Emigracioni ?
A e di qeveria juaj, se ne si popull jemi në vendin e tretë në botë për nga numri i madh i emigrimit ?
Premtimi juaj ishte vetëm fillimi i mashtrimit për mbarë Diasporën.
Ju me këtë veprim fyet këtë komunitet në mbarë botën me justifikimin për të shpëtuar disa mijra euro.
Ju shitët dinjitetin e emigrantëve për 71 milionë lekë, jo se kini nevojë për to dhe se do përdoren për interesat e KOMBIT tonë, jo.
Pasi dehidratuat lirinë e shtypit, ju tentoni të degradoni edhe këtë komunitet, që nuk ka asgjë te përbashkët me interesat tuaja.
Zoti kryeministër, ju gabuat me këtë veprim se nuk keni ose nuk doni të keni dijeni, se çfarë do të thote emigracion-diasporë.
Gjatë qeverisjes suaj, ju nuk treguat interes për të, se ju nuk e ndjeni këtë komunitet.
Ju nuk u intereson integrimi i saj dhe pjesmarrja në jeten politike në Shqipëri.
Sapo doli në skene kerkesa e saj për pjesëmarrje në votime, ju, me një të rënë të lapsit shkritë ministrinë dhe më pas edhe një agjensi të saj.
Ju, si politikanë, do ikni një ditë, por emigracioni do mbesë si një lidhje organike me atdheun.
Ju nuk doni që Diaspora shqiptare të shpalos vlerat e saj në Shqipëri, ashtu si i shpalos në vendiin ku punon dhe jeton, pasi është e pastër dhe e papërlyer.
Juve nuk ju dhimbset asgjë përveç karriges suaj.
Z.Kryeministër, 71milionë lekë janë pak për të shitur këtë komunitet.
Kur them pak, nuk do të thotë se duhej shitur për pazar të lartë. Jo zotëri, nuk ka çmim pjesa vitale e popullit.
Zoti të meshirofte dhe të dhëntë mend që të mos bësh një marrëzi tjetër.
Ju dëshmuar edhe njëherë se sa i rrezikshëm jeni për demokracinë …
Ju bëni sikur harroni se sa të ardhura merr qeveria juaj nga emigrantët, ku shteti vulos shtetin nga tarifat në shërbimet konsullore.
Ato para, që ju mendoni, se do t’i kurseni, shqiptarët me mundin dhe gjakun e tyre i kanë dhënë vendit me dhjetra herë më shumë në tre dekada.
Qenien emigrant e di vetëm emigranti dhe jo ju, paçka se keni qenë disa ditë në azil… sikurse thoni.
