Kam ndërruar numrin e syzeve shtatë herë tha ai, por nuk i shoh mrekullitë që po bënë qeveria…
I ashpër, por plot batuta, ka qenë edhe sot në seancë plenare deputeti i Lushnjes, Saimir Koreshi.
Deputeti demokrat dallohet për mënyrën si i trajton problemet, ai është i drejtpërdrejtë, i lidhur fort me problemet e zonës së tij dhe i afërt me elektoratin.
Ai sot ka trajtuar faktet, veshur me petkun e ironisë, por ama faktet që simbas tij, verifikohen lehtë po të zbrisni te fermeri në fshat.
“Hë e shkreta parti sa mbrapa është. Ne po hamë djathë me niseshte o të nderuar. Fshatari po blen qumësht në qytet, nuk ka më lopë. Ku janë këto subvencionet e famshme? Po nafta? Të gjithë ata të PS po e shesin naftën me 2 mijë lekë, këta të tjerët të shkretët s’kanë marrë pikë. Ky është realiteti. Sa mirë ju dolët e bëtë foto me shalqi para tre javësh. Shkoni pra sot e bëni ndonjë foto aty te tregu, se sa shitet shalqiri dhe a blihet. Sot duhet të keni guximin të shkoni, të shihni a u shit dhe a morën ndonjë kokërr leku ata të shkretët.
Gjatë javës na trumbetuat dhe për çunat e Londrës, po na vjen turp që kemi studiuar, kemi shqyer sytë e kemi ndryshuar 7 herë numrin e syzeve, i kishim rënë shkurt si çunat e Londrës, 2 milionë euro, ligjëruar. Ke frikë të shkosh në jug, se të thotë ti i shalqinjve dil këtej, se s’ke ardhur si çunat e Londrës. Ata me jahte, ne me komordare zisi. Kjo është situata, turp të keni !”
