Notat, Matura dhe veshjet e parehatshme!
Arsimi është një shtyllë kryesore, e jo vetëm kryesore, por edhe jetësore.
Megjithatë, kemi “pranuar “ në heshtje duke “kontribuar” për ta shembur dhe ja kemi arritur. E kemi shembur nga ministria, mësimdhënesit e deri te nxënësit.
E këtë nuk e hedhim dot poshtë si vërtetësi!
Notat e provimeve kanë një mega stres, por e kemi bërë traditë tashmë, në mënyra të ndryshme, nga më të turpshmet, për të ngritur notën, ose për ta marr edhe kur nuk është meritë.
Si vazhdimësi e arsimit vjen edhe matura. Padyshim është një moment historik, se disa ndahen, disa fejohen, martohen, apo edhe largohen.
Si vend që jemi në krizë të thellë ekonomike kjo ditë nuk pyet, kjo është për disa e “çmendurisë”.
Prindërit që kanë marrë para borxh për djemt, makina luksoze, kostume firmato, aksesor të ndryshëm, edhe kjo është bërë si traditë e tepruar, sigurisht.
Kurse te vajzat vazhdon edhe më çmendurisht dhe në mënyrë të habitshme; fustane deri një milion lekë, tualete ekstreme, e deri te makinat e “të fortëve “ të rrugës.
Këto dy ditë kam parë plotë vajza me fustane të kripura në çmim, por ajo që vihej re ishte se, ishin të parehatshme!
Është e llogjikshme që duhet elegancë, po duhet vërtetë, por jo deri në ekstrem që fustani mos të bëj të ndihet rehat vajza.
Këta të rinj e të reja pavarësisht që familjet e tyre (shumica) i kanë marrë borxh, kjo tregon se; arsimi, matura, veshjet nuk kanë asnjë vërtetësi me kulturën apo dijen që supozojmë ta kenë marrë në banka shkollore!
