Është Dashamir Shehi, Kryetar i LZHK-së dhe deputet në Kuvendin e Shqipërisë që jep alarmin për braktisjen e vendit.
Temën e “arratisë”, në fakt e trajtojnë shumë politikanë të opozitës dhe media të ndryshme, por Shehi e trajton nga një rrafsh më praktik, më domethënës dhe shumë më tepër ulëritës.
Rinia po ikën-thotë ai, por e fshatit dyfish sepse një pjesë ikin jashtë, pjesa tjetër vjen në qytet.
Si për t’a kulmuar, deputeti i djathtë, i referohet rastit të Irlandës, ajo u përgjysmua, kur ra sëmundja e patates dhe uria bëri që gjysma e popullatës të migronte dhe emigrante.
Pa fshat, pa bujqësi, vendi vdes, përfundon Shehi
Ja statusi i plotë i tij:
🚨Rinia e fshatit, po braktis 2-fish, pasi një pjesë shkojnë drejt qyteteve të mëdha Tiranës dhe Durrësit, kurse një pjesë jashtë vendit për arsye ekonomike💶.
❗️Një nga detyrat e qeverisë është që një pjesë e rinisë të qendrojë në fshat në mënyrë që bujqësia, të ketë një mundësi për tu zhvilluar drejt së ardhmes.
Në të gjithë botën, migrimi ka ndodhur dhe duke e lidhur me bujqësinë, nga uria dhe varfëria. Irlanda 🇮🇪u përgjysmua kur ra sëmundja e patates🥔 (Phytophthora infestans).
‼️Këtu nuk ka ndodhur ndonjë fatkeqsi. Rinia, po ikën nga ky që na qeveris dhe kjo qeveri. Ti rikthehemi bujqësisë 🌾por jo me fjalë, por me vepra.
