Ky është vendi im, Mbrostari…
Ja tua prezantoj..ura e zezë, në të majtën tuaj edhe ura e bardhë..dhe lumi poshtë tyre
Për sa vite e kam bërë çdo ditë në këmbë këtë rrugë..kur ikja në shkollë
Sa herë kjo rrugë më ka parë të qeshur dhe të lumtur.
E në të tjera herë përlotur..
Në të djathtë ndodhet Red Apple, një nga lokalet më të bukur të zonës..
Pak më sipër lokal, Oliva Tradicion…
Aty e kemi lokalin e sebepeve..
Presim miqtë e rinj që na vijnë..krushqitë
Fejojmë e martojmë gjithë fshatin aty
Bibat fillojnë tani .. që ç’të hash.
Në kodër sipër, aty ku duken selvitë, prehen të dashurit tanë..
Në pjesën tjetër të dukshme, te ura, është lagja rome
Kemi shkuar shumë me ta..
Gjithmonë hallemëdhenj dhe fukarenj..ata njerëz
Fisi im është më i madhi fis në fshat, por mua më duket sikur gjithë fshatin e kam kushërinj..
Nuk i ndaj dot.
-O zot çfarë çunash dhe gocash që kishte, dhe ka..
Çuna kinga..dhe të fortë
Vajza çapkëne dhe të mençura…
Sigurisht, shumë vdekje të rinjsh, na kanë tronditur zemrat aty…
Ju do pyesni…po shtëpia jote ku është?
Po ua tregoj. Në fundin e rrugës që duket. Një shtëpi e madhe në të djathtë.
E madhe shtëpia ime.
Shtëpi e zotit dhe e mikut..
Për çfarë mbahet mend tjetër Mbrostari?!
Aty protestohej që në ato vite. Sypatrembur
Dhe pse burgosnin dhe internonin
Shkolla jo e jo.. e ne prapë shkëlqenin
Nuk na mbanin dot..
Ka lindur Partia Demokratike…
Ata burra dhe gra ishin të parët, që u bënë pjesë e kësaj lëvizjeje..
Mbrostari ky vend burrash prej vërteti dhe gra zonjash..!
Unë kam ikur nga Mbrostari prej vitesh, por Mbrostari s’ka ikur kurrë prej meje..
E dua..!
Ju tregova vetëm pjesen që duket ne foto…
Herë tjetër, të tjerat..
