Qytetari 32-vjeçar është arrestuar nga policia italiane pasi u kap duke transportuar një sasi kokaine, gati për shitje.
Policia e kishte mbajtur nën vëzhgim shqiptarin, pasi ai bënte një jetë të kushtueshme ndërsa ishte i papunë.
Fotot, që djali hidhte në rrjetet sociale, por edhe lëvizjet e tij, ishin “shkëndija” për ta mbajtur në fokus.
Në momentin e arrestimit, atij iu sekuestruan dhe qindra euro, të cilat dyshohet se vinin nga tregtia e lëndëve narkotike.
Karabinierët kontrolluan shtëpinë ku banonte 32-vjeçari shqiptar ju gjetën mbi 3000 euro cash. Përveç parave, të riut shqiptar iu gjetën edhe pajisjet për paketimin e kokainës dhe për t’a hedhur më pas në treg.
Ndaj tij u ngrit akuza e posedimit të drogës dhe trafikim të saj.
