Kështu është shprehur deputeti i PD-së Tritan Shehu në seancë plenare.
Ai ka argumentuar pse nuk duhet dhe nuk mund të bllokohet miratimi i një rezulote të tillë.
Deputeti demokrat e ka mbyllur fjalën e tij, du ke u shprehur: Pa asnjë dyshim kjo, në turpin e këtij Kuvendi, realizohet vetëm nga presionet e Vuçiçit dhe pasojat e “Ballkanit të hapur”!
Ja fjala e plotë:
Kuvendi sot:
Shkelet përsëri regullorja duke bllokuar Rezolutën për genocidin serb në Kosovë në disa pika:
1- Është shkeluar afati 3 ditor për tu diskutuar në Konferencen e Kryetarëve prej momentit të depozitimit të kërkesës, sot kanë kaluar tre javë.
2-Konferenca e Kryetarëve nuk vepron në fshehtësi. Ajo është e detyruar të publikojë rendin e ditës më parë dhe më pas çështjet që u diskutuan, gjë që nuk egziston.
3-Eshte detyrim të thiren dhe firmëtarët e kërkesës në Konferencën që do të diskutonte Rezolutën, gjë që nuk është kryer.
4-Konferenca e Kryetarëve nuk mund ta dërgojë atë kërkesë në Komisionin e Jashtëm, por vetëm direkt në seancën plenare, pa mirëkuptimin e autorëve. Vetëm autorët e kanë këtë të drejtë e askush tjetër!
Pra qartësisht deri tashti kemi vetëm shkelje të Rregullores për të mos lejuar kalimin në seancë plenare të kërkesës për Mocion me debat të finalizuar me Rezolutë, për të njohur e dënuar genocidin serb në Kosovë, kërkuar nga një grup deputetësh.
Pa asnjë dyshim kjo, në turpin e këtij Kuvendi, realizohet vetëm nga presionet e Vuçiçit dhe pasojat e “Ballkanit të hapur”!
