Qeveria e Petkov është rrëzuar sot në Parlamentin Bullgar.
Rënia e qeverisë erdhi pas mocionit të mosbesimit nga ana e opozitës ku u votua me 123 vota pro shkarkimit nga 116 kundër.
Rënia e qeverisë nuk ishte e papritur në fakt.
Raportet e kartonëve në parlament ndryshuan që kur u shkarkua kryetari i Kuvendit të Bullgarisë, Nikolla Minçev.
Kiril Petkov ka qenë pro heqjes së vetos ndaj Maqedonisë së Veriut, për t’i hapur rrugë procesit të negociatave dhe anëtarësimit të saj dhe për rrjedhojë edhe të Shqipërisë në BE.
Petkov erdhi në pushtet 6 muaj më parë. Ai u votua për të luftuar korrupsionin dhe e vendosi Bullgarinë në frontin e vendeve perëndimore në sanksionet e ashpra ndaj Rusisë që pas pushtimit të Ukrainës.
Kjo situatë e çon Bullgarinë në zgjedhje të parakohshme në një kohë, kur efektet e luftës në Ukrainë po ndihen çdo ditë e më tepër në ekonominë e vendit.
