E pazakonta ka ndodhur në GJKKO, ku 240 fshatarë janë thirrur si dëshmitarë në një çështje.
Procesi gjyqësor po zhvillohet në Gjykatën e Posaçme kundër Korrupsionit dhe Krimit të Organizuar (GJKKO).
Bëhet fjalë për një dosje të Operacionit Forca e Ligjit (OFL), ku Struktura e Posaçme (SPAK) ka kërkuar konfiskimin e pasurisë së Bektash Shtëpënjës, pasi djali i tij rezulton i dënuar në Itali.
Për të justifikuar dy shtëpitë, një garazh dhe një automjet, si dëshmitarë janë thirrur 240 fermerë të fshatit Kozare në Kuçovë.
Deri më tani janë pyetur rreth 120 prej tyre. Fshatarët kanë dëshmuar se pagesën për korrjen e grurit dhe të mbjellat, Bektashit ja jepnin në dorë dhe se punët i bëjnë vetë pasi të rinjtë kanë emigruar.
Ata kanë thënë se Bektashi ka korrur grurin në fshat që prej 1991-shit dhe është paguar nga të gjithë simbas sipërfaqeve të mbjellat.
Ata kishin dhe një ankesë, këtë vit është rritur çmimi i punimeve për shkak të shtrenjtimit të naftës.
