Në një postim të tij, Z.Axhami reagon shumë ashpër ndaj një prononcimi të Artan Lames si kreu i entit të legalizimit dhe hipotekave.
Ai, gjithashtu, bënë akuza të forta për klasën politike 30 vjeçare që ishin pa prona dhe befas u gdhinë pronar të mëdhenj.
Postimi i plotë i tij:
Moskthimi i pronës, projekt hajdutërie i qëllimshëm.
z.Artan Lame pranon mishmashin e bërë me pronat.
Heqje faqesh, dublim, e grisje e tyre, pronë e regjistruar dy herë, vjedhje e hapur, përgjegjësia jetime, shkurt e shtetit në tërësinë e vet.
Kjo nuk do të ndodhte nëse prona i kthehej pronarit të vërtetë pas viteve ‘90.
Me ardhjen e pluralizmit, kthimi i pronave pronarit të ligjshëm, do të bënte që kjo shtresë e shpronësuar dhe e persekutuar njëkohsisht, do të shkollohej si duhet, do të zhvillonte pronën e vet, e sot këta do të ishin shtylla e biznesit dhe e shoqërisë duke qenë pjesë kryesore e së djathtës me të drejtën demokratike dhe aftësinë e tyre për të qeverisur.
Por kjo qëllimisht nuk u bë sepse;
…kështu ju interesonte projektuesve të pluralizmit, ata duhej të bëheshin pronar të rinj me prona të vjedhura dhe drejtues pushteti në vazhdimësi.
E kjo ndodhi fatkeqësisht, sot eshtë krijuar shtresa e pronarëve të ri që nuk patën kurrë pronë, në pushtet mbetën kryesisht njerëz të lidhur me regjimin komunist dhe pjesë e ish-sigurimit të shtetit e ndërkohë shtresa e pronarëve mbetën të zhveshur nga gjithçka, enden dyerve të gjykatave dhe një pjesë e tyre morën rrugën e emigrimit pa shpresën se ky vend bëhet.
Pa kthimin e pronave tek pronari nuk ka stabilitet ekonomik e investitorë strategjik serioz të huaj në vend.
